A Asociación de Funcionarios do Corpo Superior da Xunta de Galicia quere amosar o seu compromiso social non só por medio do traballo diario que están a realizar moitos compañeiros e compañeiras funcionarios de todos os corpos e escalas, senón tamén facendo extensivo a toda a sociedade galega un dos seus fins constitutivos, como é o de colaborar coa Administración da Xunta de Galicia na mellora dos servizos públicos.
Así, nesta situación tan excepcional a Xunta Directiva considerou que un bo xeito de colaborar en paliar os efectos da pandemia era realizar unha doazón; polo tanto, en sesión telemática, aprobou facer unha doazón de 2.500 euros para a adquisición de material sanitario.
Esta decisión foi previamente consultada cos nosos asociados por medios telemáticos, respaldando estes a proposta de realizar a doazón na conta que ten aberta a Xunta de Galicia para recibir este tipo de achegas.
Este non é máis que un pequeno apoio e un xeito de amosar o noso agradecemento coa labor desenvolvida por tantos compañeiras e compañeiros no ámbito sanitario e de xestión para paliar as consecuencias do Covid-19.
Otros artículos
No Comment! Be the first one.