Aberto prazo para propostas de cursos na EGAP

Unha das maiores motivacións desta Asociación é a de colaborar coa Administración para o deseño dun plan de acción formativa que contribúa á mellora da nosa capacitación profesional.

En tal sentido e co obxecto de poder presentar á Escola Galega de Administración Pública unha proposta de cursos para incluir no Plan de Formación Continua dos empregados públicos para o ano 2018, convidámosvos a remitirnos as vosas suxestións.

As propostas deben ser enviadas ao correo da asociación (corposuperior@gmail.com)  ata o vindeiro venres 24 de novembro, para asegurarnos unha marxe de tempo suficiente para compoñer unha proposta para elevar á EGAP.

Logo de ter enviada a dita proposta, informaremos tanto do contido da proposta realizada como tamén da súa acollida pola EGAP.

Agardamos que esta iniciativa sexa do voso interese e animámosvos a que participedes,

A Xunta Directiva