O plan de formación da EGAP publicado no DOG do 2 de xaneiro recolle as actividades formativas dirixidas ao persoal ao servizo da Administración pública da Comunidade Autónoma de Galicia, ao persoal das entidades públicas Instrumentais e da Administración institucional, ao persoal ao servizo da Administración de Xustiza de Galicia, ao persoal ao servizo das entidades locais de Galicia e ao persoal de administración e servizos (PAS) das tres universidades do sistema universitario de Galicia (UDC, USC e UVigo).
Este ano, logo da consulta a todos os asociados, fixemos unha proposta daqueles cursos respecto dos que nos manifestáchedes interese.
Finalmente a EGAP incluíu no seu plan de formación dúas aportacións desta asociación:
1. CURSO MONOGRÁFICO SOBRE A PLANIFICACIÓN ESTRATÉXICA COMO MÉTODO DE XESTIÓN PÚBLICA
2. CURSO SOBRE OS PRINCIPIOS DE BOA REGULACIÓN NO ÁMBITO NORMATIVO ESTATAL E AUTONÓMICO
A resolución ten carácter informativo e a matrícula ás actividades queda ligada á publicación das diferentes convocatorias no DOG.
Aquí tedes o enlace coa publicación do Plan.
https://www.xunta.gal/dog/Publicados/2018/20180102/AnuncioO150-221217-0003_gl.html
Continuaremos colaborando coa escola para que se recollan cursos que sexan do interese dos asociados/as en aras da nosa mellora profesional.
Grazas pola vosa participación.
Otros artículos
Contenido restringido
No Comment! Be the first one.