Recurso fronte á primeira RPT aprobada ao abeiro da Lei 2/2015, de emprego público de Galicia

O pasado 20 de agosto foi presentado un recurso de reposición fronte ao Acordo de aprobación da Relación de postos de traballo (RPT) da Axencia Turismo de Galicia, primeira RPT aprobada despois da entrada en vigor da Lei 2/2015, do 29 de abril, de emprego público de Galicia.

En particular, cuestionáronse dúas previsións, ad cautelam:

– A apertura de dous postos de directivo a persoal alleo á Administración, sen que conste a esta Asociación a motivación desta posibilidade excepcional, de acordo co previsto no artigo 34.3 da Lei 2/2015.

– A provisión por libre designación dun posto de traballo equivalente a xefatura de servizo, posibilidade tamén excepcional, de acordo co previsto no artigo 91 da Lei 2/2015.

Así mesmo, e por coherencia co contido deste recurso, presentouse un recurso de reposición fronte ás convocatorias dos dous postos de persoal directivo, publicadas no DOG o 10/08/2015.