Onte, martes 12 de xullo, Carlos Fagín Taboada como presidente da Asociación de Funcionarios do Corpo Superior da Xunta de Galicia e o secretario xeral da Unión de Consumidores de Galicia (UCGAL), Miguel López Crespo, asinaron un convenio de colaboración entre as dúas entidades.
UCGAL é unha asociación privada con máis de trinta anos de experiencia na defensa das reivindicacións do conxunto dos/as consumidores/as e usuarios/as galegos/as na loita por unha progresiva mellora na calidade de vida dos/as cidadáns. Entre as actividades que desenvolve, ademais de consulta e reclamacións ou denuncias na defensa dos intereses das persoas asociadas, está a elaboración de programas de formación, información e defensa das persoas consumidoras, a participación na elaboración de disposicións normativas, e a realización de publicacións de interese no ámbito do consumo.
A labor de UCGAL desenvolvese en diferentes eidos tales como sanidade, comercio, servizos públicos, educación ou medio ambiente, entre outros.
O convenio que terá unha duración de un ano prorrogable ata os catro anos, permitirá aos nosos socios e socias ter a condición de socios conveniados, que son aqueles que derivan dos convenios subscritos pola UCGAL con outra entidade.
Esta condición de socio conveniado permite ofrecer mellores condicións económicas na cota anual no caso de que as persoas asociadas a AgrupA sexan socios/as de UCGAL (15% desconto).
Asemade o acordo inclúe o compromiso das dúas entidades de organizar a lo menos unha actividade formativa en materia de consumo en cada ano de vixencia do convenio.
No transcurso do acto ambas os intervintes mostraron a súa satisfación por ter acadado este acordo que supón novas vantaxes por ter a condición de socio da Asociación así como a expansión dos servizos de UCGAL a un novo colectivo o que permitirá dar máis forza as súas accións.
Otros artículos
Convocado o Premio Manuel Colmeiro
No Comment! Be the first one.