A EGAP pon en marcha de novo o Curso superior de Administración electrónica entre o 13 de setembro e o 25 de outubro deste ano. cun total de 228 horas entre horas lectivas (114), prácticas presenciais (30) e teleformación (84).
A formación en administración electrónica dos empregados públicos é esencial na mellora da capacidade de servizo á cidadanía, a asunción de novos procedementos de traballo e a conseguir unha administración máis eficaz e eficiente.
Este curso superior pretende afondar no coñecemento da Administración electrónica e concienciar o alumnado sobre a importancia que ten a implantación da Administración electrónica nas distintas administracións da nosa comunidade.
Ademais ao finalizar o alumnado disporá de coñecementos acerca do réxime xurídico da administración dixital, así como formación práctica neste ámbito.
O curso está dirixido ao persoal empregado público en situación de servizo activo ou asimilada, da Administración xeral da Comunidade Autónoma de Galicia e das súas entidades públicas instrumentais e da Administración institucional, que se encadre nas categorías do Grupo A (subgrupos A1 e A2) do persoal funcionario e Grupos I e II do persoal laboral.
As clases presenciais se desenvolverán na Escola Galega de Administración Pública (EGAP) en Santiago de Compostela. Estas clases serán os días 13, 20 e 27 de setembro e 4, 11 e 25 de outubro de 2022. O horario das clases presenciais serán de mañá (11.00 ás 14.00 horas) e tarde (16.00 ás 19.00 horas)
O prazo de matrícula para inscribirse no curso superior comenza o día 16 de xuño e finaliza o 31 de xullo. A inscrición é totamente on line na área de matrícula da EGAP.
Convocado o Premio Manuel Colmeiro
Visita guiada por Santiago de Compostela
No Comment! Be the first one.