Acordo Xunta de Galicia e Administración Xeral do Estado pola carreira profesional.

O pasado 11 de setembro publicouse no DOG o acordo da comisión bilateral de cooperación entre Administración Xeral do Estado-Comunidade Autónoma de Galicia. Este acordo pon fin ás negociacións sobre o desenvolvemento da carreira profesional do persoal funcionario da nosa comunidade autónoma realizado na Lei 3/2018, do 26 de decembro, de medidas fiscais e administrativas.

O acordo final salvagarda a normativa existente e compromente á Xunta de Galicia a financiar a carreira profesional con cargo ao fondo adicional da masa salarial autorizado polo Real decreto lei 24/2018, do 21 de decembro, polo que se aproban medidas urxentes en materia de retribucións no ámbito do sector público.

Aínda que o acordo vixente non responde ás expectativas das persoas integrantes no Corpo Superior, valoramos positivamente que non se teñan creado máis atrancos para o desenvolvemento da carreira profesional.