A Fundación Galicia Europa convoca 20 prazas para unha actividade formativa de especialización en financiamento comunitario TecEuropa. A edición deste ano desenvolverase entre os días 7 e 11 de outubro en Bruxelas. Neses días desenvolvese a Semana Europea das Rexións e das Cidades. A Fundación Galicia Europa asesorará e prestará apoio as persoas participantes para a súa asistencia aos seminarios e obradoiros celebrados durante esa semana.
O prazo de presentación de solicitudes remata o día 18 de xullo de 2019 e pódense presentar tanto antigos como novos participantes.
É moi recomendable un bo coñecemento de inglés dado que a maioría dos actos da EWRC2019 serán neste idioma.
A Fundación abonará un máximo de 700 € por persoa para gastos xustificados de estancia e viaxe.
A presentación de solicitudes e as bases da convocatoria pódense consultar na sede electrónica da Xunta de Galicia procedemento administrativo (PR816A), na páxina web da Fundación http://www.fundaciongaliciaeuropa.eu/
Otros artículos
No Comment! Be the first one.