Pablo Amenedo Bermúdez foi recoñecido como empregado público innovador dentro da convocatoria do III Premio empregados/as públicos/as innovadores/as.
O premio foi concedido polo proxecto “Mestres gandeiros” e competía dentro da categoría de Proxecto coa temática máis innovadora. A proposta gañadora foi presentada por un equipo formado por Encarnación Nieto e Pablo Amenedo, do Instituto de Estudos do Territorio; e José Marcial Díaz Dócil, do Fondo Galego de Garantía Agraria.
O proxecto trátase dun material didáctico soportado nunha páxina web, deseñado coa colaboración de gandeiros dos Ancares, co fin de poñer en valor a súa contribución como principais xestores da biodiversidade e a paisaxe. Está enmarcado no proxecto BioGov: celebrando a gobernanza da biodiversidade, cofinanciado polo programa Interreg Europe e o Instituto de Estudos do Territorio. Está enmarcado xa neste ano académico dentro do Plan Proxecta da Consellería de Cultura, Educación, FP e Universidades.
A finalidade do premio é recoñecer o compromiso e a actitude innovadora do persoal ao servizo da Xunta de Galicia e contribuír a unha Administración pública máis eficiente, moderna e innovadora capaz de satisfacer as necesidades da cidadanía.
A categoría “Proxecto coa temática máis innovadora” designa aqueles proxectos innovadores xa realizados ou en curso e céntrase en premiar aqueles proxectos coa temática máis vangardista e innovadora.
Pablo, é membro fundador da Asociación no 2013 e exerceu a presidencia dende 2017 ata 2022. Na actualidade continúa como integrante da Xunta Directiva no posto de secretario.
Felicitamos a Pablo e aos seus compeñeiros de proxecto por este importante logro profesional que pon de manifesto a capacidade de traballo e a calidade profesional dun dos membros máis senlleiros da nosa Asociación e do Corpo Superior da Xunta de Galicia.
Esperamos e desexamos que este recoñecemento sexa o primeiro de moitos máis ao longo da súa carreira profesional.
Otros artículos
Bo Nadal e Feliz Ano 2023
Conferencia sobre a renovación do persoal nas administracións públicas
No Comment! Be the first one.