A EGAP organiza un seminario sobre a remuda das administracións públicas, no que se pretende debater sobre a necesidade de renovación xeracional do emprego público como consecuencia das xubilacións masivas que xa se están producindo e que se producirán con maior intensidade nos próximos anos.
Este seminario desenvolverase o xoves 24 de novembro de 12.00 a 14.00 h na modalidade de telepresenza e será impartido polo prestixioso especialista en administración pública Rafael Jiménez Asensio.
As prazas dispoñibles serán 100 e a inscrición estará habilitada dende as 8.00 horas do 16 de novembro ata as 23.55 horas do día 21 de novembro na área de matrícula da EGAP.
No seminario se tratarán os principais desafíos derivados da contorna na que se vai a desenvolver esta remuda tales como a revolución dixital ou a necesidade de dispor de novos perfís de empregos funcionais en dixitalización, automatización e intelixencia artificial
A proposta do seminario centrarase nunha estratexia mixta de organización e recursos humanos que promove unha planificación e xestión ordenada e gradual do cambio desde o modelo tradicional de deseño e organización actual de postos de traballo cara a outro modelo que teña como finalidade a flexibilidade organizativa, a adaptación e a transversalidade.
Máis detalles deste seminario na páxina da EGAP e na ficha do evento.
Otros artículos
Proxecto LEOS para a edición de textos normativos.
No Comment! Be the first one.