Proxecto LEOS para a edición de textos normativos.

A Administración Xeral do Estado está a desenvolver un proxecto de creación dunha ferramenta para a edición de textos normativos.

A LEOS (Legislation Edition Open Software) é un programa de código aberto deseñado para a redacción e edición de documentos normativos que facilita o cumprimento da técnica normativa e a elaboración colaborativa dos textos. O programa permite elixir formularios segundo o tipo de norma, coeditar, introducir comentarios, suxestións, control de versións, etc.

A AXE está na procura de promotores do proxecto LEOS para propiciar a participación colaborativa dos seus potenciais usuarios para mellorar o seu deseño e implementación.

Que significa ser promotor de LEOS?

• Detectar oportunidades para utilizar LEOS na organización á que pertence.

• Canalizar dúbidas e propostas de mellora que xurdan na súa contorna.

• Participar nos eventos on-line dedicados á promoción e impulso do avance de LEOS.

• Propoñer grupos de usuarios obxectivo para lanzar accións de comunicación.

Este chamamento vai dirixido a persoas emprendedoras que traballan en institucións públicas ou nunha organización social ou empresarial que pode contribuír á mellora das políticas e os servizos públicos

Se queres colaborar nesta iniciativ ou en calquera das outra iniciativas do Laboratorio de Innovación Pública do INAP, podes enviar un correo electrónico a lip@inap.es