No DOG de hoxe 29 de setembro aparece publicada a convocatoria do bono activa para comercio no ano 2023. Cada bono terá a un desconto por un valor de ata 30 € para as compras realizadas nos comercios adheridos. Poderase usar cada bono ata o seu esgotamento ou, de ser o caso, ata o esgotamento do crédito dispoñible no programa.
O importe do bono irase reducindo en función do valor da compra realizada de acordo cos seguintes criterios:
– Desconto de 5 € en compras iguais ou superiores a 20 € e inferiores a 30 €.
– Desconto de 10 € en compras iguais ou superiores a 30 € e inferiores a 50 €.
– Desconto de 15 € en compras iguais ou superiores a 50 €.
Todas estas contías enténdense co IVE incluído.
Poderán ser persoas beneficiarias das axudas as persoas físicas maiores de idade e residentes na Comunidade Autónoma de Galicia.
Os bonos estarán dispoñibles para a súa descarga polas persoas usuarias desde o 2 de outubro ata o 31 de decembro de 2023, agás no caso de que o importe total dos descontos efectivamente realizados en compravendas alcance os 2.500.000,00 €.
A descarga dos bonos polas persoas usuarias realizarase na web www.bonosactivacomercio.gal e terán formato dixital a través dun código QR, dispoñibles para a súa utilización nunha APP que permita realizar pagamentos (Wallet ou similar).
No Comment! Be the first one.