O Tribunal Superior de Xustiza de Galicia permite a presentación dun recurso administrativo no mesmo día que o da notificación.

No apartado de xurisprudencia desta semana traemos unha sentenza do TSX de Galicia sobre prazos para a interposición dun recurso administrativo. Aínda que o habitual é que estas sentenzas se ocupen de recursos presentados extemporáneamente pasado o día ad quem, neste caso é ao contrario. O suposto de feito trata dunha persoa que presentou o recurso o mesmo día en que recibiu a notificación, sen esperar ao día seguinte como indica o artigo 30.4 da Lei 39/2015, do 1 de outubro, do Procedemento Administrativo Común das Administracións Públicas, baixo a rúbrica

Aínda que a Xunta de Galicia e o xulgado de instancia resolveron conforme o texto literal da norma e rexeitaron o recurso por extemporáneo, o TSX de Galicia entende que, aínda que lóxica e racional, esta interpretación da Administración, perde o seu carácter de exageradamente rigorista desde un aspecto formal, pois, por unha banda, estase a outorgar o mesmo trato á persoa dilixente que á neglixente ou descoidada e, por outro, aínda no caso de considerar a presentación do recurso administrativo o mesmo día da notificación un defecto, o certo é que sería emendable, mesmo automaticamente polo transcurso do tempo, sen que os principios de racionalidade e economía procesual fagan necesario que o cidadán emende nada porque o simple paso das horas dese día provocará que chegue o día seguinte ao da notificación e a Administración teña xa nas súas mans o recurso citado.

Respecto da posibilidade de emenda dos recursos administrativos o TSX recorda que, aínda que esta non consta no texto da lei, o Tribunal Supremos xa considerou aplicable o artigo 68 da Lei 39/2015, o 1 de outubro e a posibilidade de emendar os escritos de recurso.