A páxina web do Poder Xudicial faise eco dunha rechamante sentenza do Tribunal Superior de Xustiza de Galicia (TSXG) que denega a indemnización a unha viandante que caeu nunha beirarrúa en mal estado no concello de Ferrol por non actuar “coa debida dilixencia”.
A sentenza foi ditada pola sección primeira da Sala do contencioso-administrativo e confirma a sentenza ditada no seu día polo Xulgado do contencioso-administrativo número 1 de Ferrol.
En esencia os feitos son os habituais, unha rúa en malas condicións e unha persoa que sufre unha caída provocada polo deficiente estado da beirarrúa, isto lle provoca unhas lesións e solicita a indemnización que considera oportuna.
O elemento de novidade desta sentenza e que as circunstancias que rodean os feitos provocan unha ruptura no nexo causal entre o funcionamento do servizo público e o dano producido. En concreto, o tribunal se centra no actuar pouco dilixente da persoa prexudicada en relación coas evidencias do mal estado da beirarrúa.
Sendo un caso puntual, creemos que abre moitas posibilidades para outros casos nos que se aplica a Administración, case de xeito automático, a responsabilidade patrimonial por mal funcionamento dos servizos públicos.
Aquí podedes acceder a sentenza en versión pdf
Otros artículos
II Premio de Investigación da Asociación
No Comment! Be the first one.