Como parte das actividades programadas pola Xunta Directiva para as persoas asociadas, o pasado venres 26 de maio realizamos a visita guiada ás cubertas da Catedral de Santiago. Esta actividade foi publicitada tanto na asemblea xeral como por medio de correo electrónico entre os socios/as. Aquelas persoas que asistiron tiveron a oportunidade de contemplar unhas espectaculares panorámicas da cidade e observar detalles do monumento dende un punto de vista exclusivo.
O percorrido estivo dirixido por unha guía que explicou detalles arquitectónicos e históricos do templo santiagués. As almeas, a orixe da singularidade da Torre do Tesouro ou os detalles decorativos na Torre do Reloxio son algúns dos principais fitos da visita.
Dende a Xunta Directiva seguimos a traballar para ofrecer a socios e socias actividades culturais e formativas de interese, que esperamos poder realizar dentro dos próximos meses.
II Premio de Investigación da Asociación
Asemblea Xeral Ordinaria do ano 2023
No Comment! Be the first one.